Bartësi i listës së kandidatëve të BDI-së për këshilltarë në komunën e Tetovës, Faton Ahmeti në “Click 21” tha se edhe në nivelin lokal në Tetovë presin të krijojnë koalicion me partnerët e koalicionit qendror.
“Në kuadër të pushtetit qendror ne jemi në koalicion me Lidhjes Social Demokrate, Alternativën, PDSH-në. Mendoj se një koalicion i tillë do të ishte më i natyrshëm dhe në bazë të gjitha anketave dhe sondazheve del që do të ketë mundësi për t’u krijuar koalicioni”, tha mes tjerash Ahmeti.
