20/08/2022
24.7 C
Tetovo

Të tjera lajme

Ahmeti: Propozimi francez u përdor për folklorizëm nga opozita maqedonase

Lideri i Bashkimit Demokratik për Integrim, Ali Ahmeti, në një prononcim televiziv tha se për propozimin francez, opozita është pushtuar nga një valë emocionesh, një valë folklorizmi dhe se gjithçka ka të bëjë më shumë me politikën ditore dhe mbledhjen e pikëve politike.

“Mendoj se opozita u pushtua nga një valë emocionesh, një valë folklorizmi, me pak fjalë, kishte një tendencë për të manipuluar ngjarjen, që do të thotë se po humbet identiteti kombëtar maqedonas, po humbet gjuha maqedonase, se kombi maqedonas po asimilohet në kombin bullgar. E gjithë kjo ishte më shumë për politikën ditore dhe për t’i shtuar pikë partive të tyre sesa çdo gjë thelbësore që ishte në të gjithë këtë fushatë apo gjithë këtë propagandë që ata po bënin dhe kjo më në fund u tregua, dhe publiku kuptoi se gjithçka ishte bërë vetëm për të përmirësuar politikën e tyre, pozitën në shoqëri, e jo diçka thelbësore në gjithë këtë aktivitet që e bënë”, thotë Ahmeti.

Ai shtoi se ky është një moment historik për maqedonasit që më në fund të legjitimojnë identitetin e tyre, gjuhën e tyre në bashkësinë ndërkombëtare dhe për këtë kanë mbështetjen e plotë të partive politike shqiptare.

Kujtojmë se propozimi francez u miratua nga Kuvendi i Maqedonisë së Veriut të shtunën, më gjithsej 68 vota PRO.

Të fundit