Ahmeti: Punojmë që BDI më 12 prill përsëri të jetë përcaktuese dhe vendimmarrëse – Tv Koha
Lajmi i Ditës Maqedoni

Ahmeti: Punojmë që BDI më 12 prill përsëri të jetë përcaktuese dhe vendimmarrëse

Kur qytetarët e bënë BDI-në vendimtare dhe përcaktuese, përfitoi shteti dhe qytetarët.

Me 11 dhjetor 2016 fitoi BDI dhe kur fiton BDI fiton opsioni kombëtar reformues, integrues, konsensual, zhvillimor.

Me 12 prill të këtij viti, ne po punojmë që BDI përsëri të jetë përcaktuese, vendimmarrëse dhe kur BDI fiton, ka fituar shteti, kanë fituar të gjithë qytetarët.

Të nderuar qytetarë, me bindje të plotë e themi që të gjitha që i premtuam, i realizuam!

Fjalën e dhënë e mbajtëm, nuk ju zhgënjyem në asnjë çast të vetëm.

Bashkë arritëm të realizojmë:

Kryetar Kuvendi, Ministër i Mbrojtjes, Ministër i Punëve të Brendshme, Avokat të shtetit dhe të popullit, kryetar i federatës së futbollit, kryetar i gjykatës supreme, kryenegociator për integrim në BE, etj.
Bëmë dygjuhësinë në të gjitha institucionet e shtetit
Rrumbullakuam pjesën normative të Marrëveshjes së Ohrit

Zgjodhëm emrin, mbyllëm kontestin me Bulgarinë, ndryshuam kushtetutën dhe ishim pjesë kyçe e procesit.
Hymë në NATO dhe jemi në prag të Bashkimit Evropian
Rritëm rrogën minimale, rritëm rrogat në administratë, rritëm rrogat për mësimdhënësit, rritëm rrogat e mjekëve, rritëm ndihmesën sociale, rritëm pensionet, siguruam pagesën për fëmijën e tretë, larguam taksën radiodifuzive dhe provimin ekstern për nxënësit, punësuam dhe avancuam, sollëm investime të huaja dhe vendore, themeluam agjensinë dhe inspektoratin e gjuhës, themeluam ansamblin kombëtar, etj.
Themeluam Ministri të re me shumicë 2/3 dhe e avansuam sekretariatin
Miratuam Ligjin për “22 nëntori”, ligjin për tregjet e gjelbra, ligjin për avancimin e administratës dhe njohjen e arsimimit, 24 orë program në gjuhën shqipe në radio dhe TV, ligjin për blerje të stazhit për pension të moshës, ligji për pension social, etj.
Zbatuam në tërësi “Deklaratën” që e kishim edhe premtim parazgjedhor.
Bashkuam partitë shqiptare të cilat më pastaj u ndanë për pushtet,
Ndërtuam shkolla, spitale, çerdhe, rrugë, infrastrukturë, salla sportive
Përfunduam rrugën dhe kufirin Bellanoc – Stançić
realizuam reformat gjyqësore, ato në sektorin e sigurisë dhe në administratë
siguruam raportin më pozitiv nga Bashkimi Evropian
Nisëm autostradën për Kosovë
Miratuam ligjin për kufirin Llojan – Miratoc dhe siguruam financim norvegjez për ndërtimin e kufirit.
Përfunduam Teatrin shqiptar në Shkup.
Mbështetëm të gjitha komunat me projekte konkrete dhe u mbuluam borxhet
propozuam ligjin për veting, ligjin për lojërat e fatit, rritjen e rrogave te profesorëve, përkrahëm mediat dhe shumë e shumë nisma të tjera.
Sot, pikërisht më 16 shkurt, në përvjetorin e luftës tonë, përmbyllëm kapitullin e lirisë dhe barazisë, për ti hapur derën drejtësisë joselektive nëpërmjet vetingut, zhvillimit, vendeve të punës, ekonomisë, jetesës cilësore, rinisë, integrimit konsensual.

Kemi bërë shumë bashkë, por akoma kemi punë për të bërë dhe bashkë do t’ia dalim.

Bashkë do të jemi edhe në këto përpjekje për t’i realizuar të gjitha që po i themi në drejtim të një jete cilësore dhe përafrim të standardeve tona me ato të vendeve të Bashkimit Evropian. Bashkë përgjithmonë!”

Ali Ahmeti, kryetar i BDI-së.Medial.

Related posts

Besimi thotë se Maqedoninë mund ta shpëtojë nga kriza ekonomike sistemi SMART

Televizioni Koha

Partitë politike në Maqedoni nuk i respektojnë masat anti-covid, nuk kërkojnë certifikatë vaksinimi nëpër tubime

Televizioni Koha

Shtrenjtohen çmimet e benzinës dhe naftës

Televizioni Koha

Leave a Comment