Një aksident me pasojë plagosjen ka ndodhur pasditen e sotme në qytetin e Fierit.
Në aksin rrugor Fier-Ballsh pranë fshatit Kraps u përplasën një automjet tip “Benz”, me drejtues A.Q., me mjetin tip “Volkswagen” me drejtues A.M.
Të dy drejtuesit janë dëmtuar dhe janë dërguar në Spitalin e Fierit për ndihmë mjekësore.
Nuk dihet ende gjendja e tyre shëndetësore.
Në vendngjarje ka shkuar grupi hetimor dhe po punon për zbardhjen e plotë të ngjarjes.
