Arben Taravari;Strategjia e BDI-së për të krijuar kinse armiqësi me LSDM-në është një mashtrim naiv - Tv Koha
Lajmi i Ditës Maqedoni

Arben Taravari;Strategjia e BDI-së për të krijuar kinse armiqësi me LSDM-në është një mashtrim naiv

Strategjia e BDI-së për të krijuar kinse armiqësi me LSDM-në është një mashtrim naiv sepse çdokush e di, e kupton, është i qartë që martesa e tyre politike shkon super! Aq të madhe e kanë dashurinë për njëra-tjetrën sa nuk i rezistojnë dot tundimit që çdo dy javë të dalin dhe të deklarojnë se “funksionojmë mrekullisht”…dhe populli vazhdon të konsiderohet një tufë delesh që shkon që pret ta shfrytëzojë bariu…

Ky është keqkuptimi më i madh dhe dështimi më i madh i BDI-së dhe çdo partneri të saj politik: nënvlerësimi i inteligjencës të Popullit!
Gjithsesi populli do të flasë në 12 prill dhe BDI-ja do kuptojë se sa keq është kur tallesh me njerëzit duke inskenuar lloj lloj telenovelash “nacionaliste” ditën dhe “multi-etnike” natën!

Dhe për në fund, e vlerësojmë kujdesin të z.Bujar Osmani, i cili na kujton procedurat se si të vendosim për zgjedhjen e përfaqësuesit të Opozitës, ndoshta nga që këto gjëra nuk kanë ndodhur kurrë në partinë e tij, ai mendon se edhe në Opozitë nuk ka demokraci të brendshme, procedurë që e fakton demokracinë, zgjedhje të ndershme, meritokraci…gjithsesi thirrja gati non-sens e z.Osmani duke na kujtuar veprime kaq naive si të ishte një nxënës shkolle, na bën të kuptojnë diktaturën që mbizotëron tek partia e tij.

Megjithatë, ne respektojmë z.Osmani dhe e qetësojmë atë e sidomos ata që janë në ankth nga partia e tij, se: ne kemi kryer të gjitha procedurat, ne dhe populli e di se përfaqësues i opozitës është Ziadin Sela, ashtu si populli e sidomos ju e dini se lideri juaj është Ali Ahmeti, a mundet të dalin në debat apo mos duhet të mendojmë që z.Ahmeti ka frikë?!

Presim përgjigje dhe ju kujtojmë që duam debat midis z.Ziadin Selës dhe z.Ali Ahmetit! U qartësuat besoj se shumë konfuzë po dukeni këto ditë.
Është e kuptueshme, ju presin ditë të vështira si janë ato të dështimit.Arben Taravari shkruan në profilin e tij ne FB.

Related posts

Milloshoski në Prokurori do t’i dorëzojë incizimet që i ka publikuar në konferencën për shtyp

Televizioni Koha

Osmani: 15 raste në Tetovë janë shenjë se ende duhet kujdes

Televizioni Koha

LSDM: Asnjë gënjeshtër e VMRO-DPMNE-së nuk mund ta mbulojë të vërtetën se Mickoski ka bashkëpunuar me Kiçeecin, person i dyshuar në rastin “Reket”

Televizioni Koha

Leave a Comment