Arrestohet edukatorja e “Cambridge Kids”, e cila goditi me shuplakë një fëmijë – Tv Koha
Rajon

Arrestohet edukatorja e “Cambridge Kids”, e cila goditi me shuplakë një fëmijë

Edukatorja e kopshtit të fëmijëve “Cambridge Kids”, është arrestuar nga policia dhe e njëjta me vendim të prokurorit është dërguar në mbajtje për 48 orë, kjo për shkak se goditi me shuplakë në fytyrë një fëmijë një vjeçar që ishte nën përkujdesjen e saj.

Arrestimin e saj e ka konfirmuar për Telegrafin, zëdhënësja e policisë, Flora Ahmeti.
“Më datën 10 shkurt 2020 në stacionin policor jugu në Prishtinë është iniciuar një rast keqtrajtim i fëmijës. Lidhur me këtë rast policia ka arrestuar personin e dyshuar e cila me urdhër të prokurorit është dërguar në mbajtje për 48 orë”, ka thënë Ahmeti.
Ahmeti ka shtuar se në koordinim me prokurorinë përkatëse janë duke u ndërmarr të gjitha veprimet e nevojshme policore.
Edukatorja në fjalë është përjashtuar nga puna po ashtu.

“Me të parë skenën përgjegjësit e ndërrimit menjëherë kanë reaguar duke e përjashtuar nga puna punëtoren në fjalë, ndërsa prindit i është kërkuar falje dhe i është lejuar qasje në të gjitha incizimet në klasën e fëmijës së tij, në mënyrë që të shoh se si është trajtuar fëmija i tij gjatë gjithë qëndrimit në çerdhen tonë”, është thënë në njoftimin e kopshtit “Cambridge Kids”. /Telegrafi/

Related posts

Në Hagë do të nisë apeli i Mlladiqit për burgim të përjetshëm

Televizioni Koha

VIDEO/ Pamje apokaliptike, tërmeti 6.9 ballë rrëzon ndërtesa dhe pallate në Turqi

Televizioni Koha

Tërnava apelon tek qytetarët që të mos bëjnë vizita familjare për Bajram duke pasë parasysh gjendjen e rënduar me pandeminë

Televizioni Koha

Leave a Comment