BDI: Zgjedhja e kryeministrit me zgjedhjen e presidentit s’kanë asnjë lidhje - Tv Koha
Lajmi i Ditës Maqedoni

BDI: Zgjedhja e kryeministrit me zgjedhjen e presidentit s’kanë asnjë lidhje

21 qershor 2020

Paraqitem para jush që t’i adresoj disa nga çështjet e diskutuara në opinion gjatë ditëve të fundit në media si dhe çështjet që janë me interes të qytetarëve dhe sigurisht t’i përgjigjem pyetjeve të juaja.

Më lejoni që fillimisht t’ju njoftoj rreth agjendës tonë të fushatës zgjedhore.

Bashkimi Demokratik për Integrim fushatën zgjedhore do ta nis me konventë promovuese të kandidatëve për deputet në Prespë e cila do të mbahet ditën e mërkurë me fillim në ora 13:00 në të hapur, ndërsa do ta përfundon në Ohër gjithashtu me tubim në të hapur.

Arsyeja pas kësaj përzgjedhjeje qëndron në përbetim e BDI që do të jetë dalzotës i Marrëveshjes së Ohrit, asaj të Prespës dhe të fqinjësisë së mirë pasi që këto dokumente dhe procese janë themeli i shtetit tonë të përbashkët dhe i përcaktimit tonë euroatlantik. Kjo është edhe agjenda bazë e kryeministrit të parë shqiptar, integrim të plotë në Bashkimin Europian dhe barazi e plotë në të gjitha fushat: ekonomi, drejtësi, vende pune, cilësi e jetës, etj.

Gjatë gjitha tubimeve dhe aktiviteteve tona do të respektojmë maksimalisht rekomandimet rreth shëndetit publik dhe apelojmë deri tek të gjithë aktivistët tanë për kujdes dhe respektim të plotë të masave si dhe t’iu dalin në ndihmë qytetarëve në nevojë.

Kjo fushatë nuk do të jetë e zakonshme, por do të jetë një lëvizje për kryeministrin e parë shqiptar, prandaj organizata jonë do të shërbejë si platformë dhe fton të gjithë qytetarët shqiptar dhe të tjerë që ti bashkangjiten lëvizjes dhe ta përkrahin atë me ide dhe kontribut.

Shtabet tona janë shtëpia juaj.

Në lidhje me dilemat inekzistuese rreth dallimeve thelbësore të mënyrës dhe mundësisë së zgjedhjes së një shqiptari për kryetar të shtetit nga njëra anë dhe mundësisë së zgjedhjes së kryeministrit ose kryetarit të parlamentit nga ana tjetër, më duhet të them që e para është utopi në konstelacionin e sotëm dhe e dyta është mundësi reale. Kryetari i shtetit zgjidhet nga shumica e qytetarëve në zgjedhje të lira me rreth gjysmë milioni vota, ndërsa kryeministri dhe kryeparlamentari zgjidhen nga shumica parlamentare me 61 vota të deputetëve.

Andaj është më se e qartë për të gjithë që nuk ka asnjë korelacion midis njërës dhe tjetrës rreth mundësisë dhe mënyrës së zgjedhjes.

Sa i përket kandidatit për kryeministër, zoti Ahmeti është duke zhvilluar konsultime intensive me shoqërinë civile, botën akademike, përfaqësues të diasporës, intelektual dhe opinionist për emrin e kandidatit tonë për kryeministër të parë shqiptar të vendit andaj dhe ftojmë të gjithë shqiptarët, por edhe të tjerët të bashkohen rreth nismës sonë për të de-etnizuar edhe shtyllën e fundit të rezistencës dhe supremacisë monoetnike.

Njëkohësisht, mirëpresim mbështetjen e madhe vullnetare qytetare e në veçanti të rinisë për kryeministrin e parë shqiptar.

Gjithashtu, më lejoni t’ju informoj që sot, që nga ora 12:00, hapen të gjitha shtabet tona zgjedhore komunale dhe që të gjitha do të janë të vendosura në ambiente të hapura në sheshet e qyteteve duke respektuar të gjitha masat për kujdes.

Artan Grubi, sekretar i BDI-së


TV KOHA  këto tekste i publikon në formë integrale dhe origjinale dhe nuk mban përgjegjësi për përmbajtjen e tyre.

Related posts

Mediat e huaja për zgjedhjet në Mal të Zi: Goditje e rëndë për Gjukanoviqin

Televizioni Koha

Zaev dhe Mickoski kërkojnë shtyrjen e zgjedhjeve

Televizioni Koha

Kosova thyen rekord, brenda 24 orëve 79 raste të reja me Covid-19

Televizioni Koha

Leave a Comment