Ministrja gjermane e Punëve të Jashtme, Analena Berbok, deklaroi se nuk duhet të humbim më kohë në integrimin dhe afrimin e vendeve të Ballkanit Perëndimor drejt BE-së, deklaroi.
Sipas saj, nuk duhet të ketë hapësirë në Ballkan që mund të mbushet nga Rusia apo aktorë të tjerë.
“Në ndërlidhjen e shpejtë e vendeve të rajonit me BE-në nuk ka të bëjë vetëm me besueshmërinë tonë gjeopolitike. “Ballkani Perëndimor është gjeografikisht në qendër të Bashkimit Evropian. Dhe më në fund ne duhet të sjellim njerëzit nga Ballkani Perëndimor në qendrën tonë politike”, deklaroi Berbok.
Ajo shtoi se përveç Rusisë, edhe Kina po lufton për ndikim më të fortë në vendet e Ballkanit Perëndimor.
Sipas saj, BE-ja është dashur t’i përmbushë premtimet e saj për negociatat e anëtarësimit me vendet e rajonit, veçanërisht për hapjen e negociatave me Maqedoninë e Veriut dhe Shqipërinë.
“Ky është në interesin tonë strategjik dhe është edhe çështje e sigurisë sonë”, tha ministrja gjermane.
Vendet e Ballkanit Perëndimor përfshijnë Shqipërinë, Bosnje dhe Hercegovinën, Kosovën, Maqedoninë e Veriut, Malin e Zi dhe Serbinë.
Ajo konsideron se nëse BE nuk i përmbush premtimet e saj, të tjerët do të mbushin hapësirën në rajon, dhe rinia që duan “shtëpi të përbashkët evropiane” do të zhgënjehen.
