27/05/2022
28.1 C
Tetovo

Të tjera lajme

Bilall Kasami në Reçicë ka paralajmëruar një investim për përpunimin e patateve

Lideri i Lëvizjes BESA dhe njëherit kandidat për kryetar të Tetovës, Bilall Kasami në Reçicë ka paralajmëruar një investim për përpunimin e patates, gjegjësisht prodhimin e pomfritit dhe çipsit.

Ka vlerësuar se ky investim do të sigurojë hapjen e vendeve të reja të punës. Projektin tha se do të ta publikojë ditëve në vijim.

“Para disa ditësh në “Teteks 1″ thash se sa herë i vizitoj bastionet e Lëvizjes Besa, vijnë edhe lajme të mira. Bashkë me ministrin Arjanit Hoxha, sot me iniciativën e tyre na vizituan disa investitorë. Ata shprehën gatishmëri që menjëherë të fillojë një investim serioz në Tetovë. Bëhet fjalë për një fabrikë për përpunimin e produkteve bujqësore, më saktë përpunimin e patateve, respektivisht prodhimin e pomfritit dhe çipsit. Ky investitor do të sigurojë hapjen e 60 vendeve të punës. Bashkë ramë dakord se Reçica është vendi ideal për këtë investim, por e mirë e gjithë kësaj është se ata do të kontraktojnë bujqit për blerjen e patates para kohe, me kontrata të sigurta. Bujqit e Reçicës do të prodhojnë produkte që do të jenë të kontraktuara paraprakisht. Në ditët në vijim do të prezantoj projektin konkret para jush”, tha Kasami.

Të fundit