Boki 13 u ankua se është i sëmurë rëndë dhe u grind me Ruskoskën - Tv Koha
Lajmi i Ditës Maqedoni

Boki 13 u ankua se është i sëmurë rëndë dhe u grind me Ruskoskën

(MIA) – I akuzuari i parë në rastin “Reket” Bojan Jovanovski- Boki 13 në fillim të seancës së sotme ka kërkuar shtyrjen arsye shëndetësore.

Boki 13 është ankuar në dhembje dhe ka thënë se me gastroskop i është vërtetuar se ndonjë organ duhet t’i hiqet. Gjykatësi i është përgjigjur se do të thirr Ndihmën e shpejtë me çka Jovanovski ka thënë se nuk dëshiron pasi ata do t’i jepnin vetëm diazepam dhe pastaj nuk do të mund ta ndjek seancën. Ka thënë se ka kancer në lukth dhe nëse respektohet terapia nga rekomandimet, nuk do të vjen deri te ajo.

Gjykatësi, megjithatë ka vendosur që gjykimi sot të vazhdojë.

Para fillimit të seancës Jovanovski me ton të lartë i është drejtuar prokurores Villma Ruskoska se “ushtron torturë mbi të dhe se Zoti do ta dënojë” me çka sigurimi ka reaguar dhe e ka nxjerr nga salla e gjyqit. Pasi situata është qetësuar, ndërsa Trupi gjykues ka hyrë në sallë, Jovanvski është kthyer, ndërsa seanca ka filluar.

Rasti ndodhet në procedurë dëshmuese dhe duhet të vazhdojë me prezantimin e dëshmive, ndërkaq në radhë janë xhirimet e parashtruara nga dëshmitari Jordan Kamçev në prokurori.

Në seancën e kaluar u prezantuan fotografi nga gjësende të marra gjatë bastisjes së shtëpive dhe hapësirave të punës të të akuzuarve Bojan Jovanovski dhe Katica Janeva, si dhe nga bastisja e shtëpisë së Zoran Milevski-Kiçeec, i cili e pranoi fajin.

Prokuroria themelore publike për ndjekje të krimit të organizuar dhe korrupsionit në tetor të vitit të kaluar parashtroi aktakuzë kundlër Bojan Milevskit, Katica Janevës dhe Bojan Jovanovskit.

I akuzuari i parë Jovanovski dyshohet se ka kryer vepër penale “larje parash dhe të ardhura të tjera nga vepra ndëshkuese”, ndërsa Janeva dhe Milevski për “marrje të shpërblimit për ndikim kundërligjor”. E akuzuara e dytë Janeva ngarkohet edhe se ka kryer vepër penale “keqpërdorim të pozitës dhe autorizimit zyrtar”.

Në seancën e parë për rastin “Reket”, që u mbajt më 3 dhjetor, i akuzuari i tretë Zoran Milevski e pranoi fajin, pas çka u dënua me tre vite burg.

Rastin e udhëheqë gjykatësja Vaska Nikollovska-Masevska, ndërsa përfaqësuese e aktakuzës është Villma Ruskovska. fab/

Related posts

Komuna e Kërçovës u bën apel qytetarëve t’i respektojnë masat për mbrojtje nga Kovid-19

Televizioni Koha

Menduh Thaçi: Qeveria është jofunksionale, duhet të ketë zgjedhje

Televizioni Koha

Greqia e hapur për turistë, por në pajtim me listën e BE-së, për Maqedoninë e Veriut kufijtë mbeten të mbyllura

Televizioni Koha

Leave a Comment