Dibra ka nevojë për kuadër plotësues mjekësor – Tv Koha
Lajmi i Ditës Maqedoni

Dibra ka nevojë për kuadër plotësues mjekësor

Kryetari i Komunës së Dibrës, Hekuran Duka, i cili e drejton shtabin komunal operativ, në konferencën e sotme të rregullt për shtyp tha se nevojitet personel shtesë mjekësor në Spitalin e përgjithshëm.

“Kemi kërkuar nga Qeveria dhe Ministria e Shëndetësisë që të dërgojnë në Spitalin e përgjithshëm të Dibrës një gjinekolog, një anesteziolog-reanimator dhe katër teknikë mjekësorë, të cilët janë të edukuar për sëmundje infektive. Presim që për kërkesën të marrim përgjigje pozitive”, tha Duka.

Ai tha se situata e sigurisë në komunë në tërësi është e mirë dhe shtoi se ka pasur dy raste të regjistruara të mosrespektimit të orës policore gjatë natës.

“Situata e sigurisë në tërësi është e mirë. Gjatë natës janë arrestuar dy persona të cilët shkelën rregullat e sjelljes gjatë orës policore dhe ndaj tyre do të merren masa adekuate ligjore. Lëvizja e automjeteve në pikat e kontrollit zhvillohet pa asnjë problem në përputhje me protokollin”, shtoi Duka, duke përsëritur thirrjen e tij drejtuar qytetarëve që t’i respektojnë me përpikëri të gjitha rekomandimet dhe masat e autoriteteve.

Në emër të tij dhe në emër të qytetarëve të komunës, shprehu ngushëllimet e tij të thella për familjen e bashkëqytetarit që vdiq dje si pasojë e koronavirusit. mb/

Related posts

Gjenden mbeturina mjekësore në QS “Boris Trajkovski”, Inspektorët e qytetit hetojnë rastin

Televizioni Koha

E prekshme: Qeni nuk largohet nga trupi i pronarit qe ndodhet nën gërmadhat e tërmetit

Televizioni Koha

Greqia i kalon 1 mijë të infektuar me koronavirus, 32 të vdekur

Televizioni Koha

Leave a Comment