Qendra për arsim dhe aftësim profesional sot promovoi digjitalizimin në arsimin e mesëm profesional. Sipas zëvendësministrit të Arsimit dhe Shkencës Lulzim Aliu, procesi do të kontribuojë për aftësimin dhe lehtësimin e punës – edhe për nxënësit, kompanitë dhe mentorët e trajnimit të tyre – a.q. mësimi praktik.
Qasja në mjetet digjitale, tha Aliu, dukshëm do ta përmirësojë edhe cilësinë e vetë mësimit. Ai shprehu kënaqësi që rritet interesimi për hapjen e paraleleve të dyfishta në shkollat e mesme profesionale, që ishte edhe në fokus të fushatës së MASH-it “Mëso me mençuri, puno me profesionalizëm”, në periudhën e fundit në komunat në mbarë vendin.
“Në këtë mënyrë ne plotësojmë nevojat e kompanive dhe të vetë komunave. Gëzon fakti që vitet e fundit numri i paraleleve të dyfishta është rritur nga 11 në 97 dhe me konkursin për regjistrim në shkollat e mesme të shpallur dje, numri është rritur në 223, sipas kërkesës së shkollave të mesme. Shpresoj se ky trend do të vazhdojë sepse në atë mënyrë studentët do të trajnohen dhe kualifikohen dhe do të kontribuojnë në kompanitë ku do të realizojnë trajnimin”, deklaroi Aliu para fillimit të ngjarjes promovues “Digjitalizimi në Arsimin dhe Aftësimin Profesional”, të organizuar nga Qendra për Arsim dhe Aftësim Profesional, me mbështetjen e projektit “Edukimi për punësim në Maqedoninë e Veriut – E4E @ mk” dhe Agjencisë Zvicerane për Zhvillim dhe Bashkëpunim.
Drejtori i Qendrës për Arsim dhe Aftësim Profesional Sherif Miftari shtoi se ngjarja e organizuar sot, me prani fizike të disa pjesëmarrësve dhe onlajn të të tjerëve, e konfirmon rëndësinë e digjitalizimit. “Ajo është shumë e rëndësishme për ne në këtë moment sepse nuk mund të jetojmë pa të”, tha Miftari.
Në konferencën e organizuar sot nga Qendra për Arsim dhe Aftësim Profesional, do të prezantohen rezultatet e disa aktiviteteve që kanë të bëjnë me promovimin e arsimit të mesëm profesional përmes digjitalizimit të tij, dhe theksi do të vendoset në promovimin e platformës së re INOVET (inovet.edu. mk), i cili do të ketë funksionin e bazës digjitale për zhvillim profesional të mësimdhënësve nga shkollat e mesme profesionale.
“Mësimdhënësit përmes platformës do të marrin informacion për trajnimet dhe kurset dhe ato mund të realizohen onlajn”, thuhet në njoftimin e MASH
