Drejtori i BPP Bardhyl Nasufi qëndron në Tashkent të Uzbekistanit për forumin “Prokurimi & zbatimi i projekteve publike infrastrukturore” – Tv Koha
Maqedoni

Drejtori i BPP Bardhyl Nasufi qëndron në Tashkent të Uzbekistanit për forumin “Prokurimi & zbatimi i projekteve publike infrastrukturore”

– Nga 10 deri më 13 prill, në Tashkent të Uzbekistanit është duke u mbajtur Forumi i pesëmbëdhjetë për prokurim publik, integritet dhe transparencë për rajonin e Evropës dhe Azisë Qendrore, i organizuar nga Banka Botërore, BERZH, Banka Aziatike dhe Islamike për Zhvillim, BEI dhe OECD, në bashkëpunim me Qeverinë e vendit nikoqir.

 

Tema e Forumit të këtij viti është “Prokurimi dhe zbatimi i projekteve publike infrastrukturore”. Në këtë Forum marrin pjesë përfaqësues nga 24 vende, duke përfshirë këtu Byronë e Prokurimit Publik, që përfaqëson Republikën e Maqedonisë së Veriut e që këtë herë vendi në Tashkent përfaqësohet nga drejtori i Byrosë për prokurime publike z. Bardhyl Nasufi.

Forumi për herë të parë është mbajtur në vitin 2005 me iniciativën e Bankës Botërore dhe prej atëherë është shëndërruar në ngjarje vjetore që synon të promovojë bashkëpunim rajonal dhe botëror në fushën e prokurimit publik dhe mundësimin e shkëmbimit të përvojave mes pjesëmarrësve mbi tema të ndryshme nga fusha e prokurimit publik.

Ndryshe, Republika e Maqedonisë së Veriut ishte nikoqir i këtij Forumi në vitin 2013.

Related posts

Pas’halidis: Prespa mundet dhe do të jetë liqeni i miqësisë dhe bashkëpunimit

Televizioni Koha

4 persona nga Gostivari pozitiv në COVID-19, nga izolimi shtëpiak kanë udhëtuar jashtë shtetit

Televizioni Koha

Thaçi: Mbështetje për kandidatin për president në harmonizim me përcaktimet strategjike për BE dhe NATO integrimet

Televizioni Koha

Leave a Comment