Avio kompania Er Serbia publikoi se nga 21 maji do t’i kthejë fluturimet e një numri të kufizuar të destinacioneve, drejt Londrës, Cyrihut, Farankfurtit dhe Vjenës, dhe se këto fluturime do të jenë të rregullta.
“Gjithçka është përgatitur, nga java e ardhshme aeroplanët tanë do të vazhdojnë me qarkullim të rregullt drejt Londrës, Vjenës, Cyrihut dhe Frankfurtit”, deklaroi Nikolla Vukomanoviq nga Er Serbia për Tanjug.
Ai shtoi se numri i fluturimeve javore do të varet nga kërkesa e pasagjerëve, por edhe nga kufizimet e trupave rregullator në vendet drejt të cilave fluturon Er Serbia.
Siç lajmëroi korrespondenti i MIA-s nga Beogradi, sipas orarit të publikuar të fluturimeve për periudhën nga 21 maji deri më 14 qershor të publikuar në ueb-faqen e “Er Serbia”, mund të shihet se fluturimet drejt vendeve nga rajoni do të fillojnë prej më 1 qershor.
Sipas orarit të publikuar, nga 1 qershori “Er Serbia” do të fluturojë drejt Podgoricës dhe Tivarit, nga 4 qershori për në Sarajevë, nga 5 qershori në Banja Lukë dhe Lubjanë, ndërsa nga 7 qershori në Shkup. ob/sa/
