Ministri i Shëndetësisë Venko Filipçe sot në një konferencë shtypi tha se masat e izolimit nga shumë qytetarë nuk po respektohen. Për shkak të kësaj, tashmë janë përgatitur masa më rigoroze, të cilat do të shqyrtohen këtë pasdite në një seancë qeveritare.
“Mosrespektimi i masave është i qartë, është evidente se ekziston një numër serioz i qytetarëve që nuk i marrin seriozisht apelet, mesazhe dhe rrezikun. Kemi përgjegjësi që t’i përforcojmë masat sepse ato do të kenë kuptim dhe do të japin rezultate vetëm nëse respektohen plotësisht”, tha Filipçe. mb/
