23/05/2022
15.4 C
Tetovo

Të tjera lajme

Filipçe: Nxënësit, prindërit dhe mësuesit të jenë të kujdesshëm, nuk duam të na kthehen kufizimet

Ministri i Shëndetësisë Venko Filipçe, sot ju është drejtuar prindërve, nxënësve dhe punonjësve në arsim, me rastin e fillimit të vitit të ri shkollor.

Ai thotë se pandemia ka shkaktuar ndryshime të shpejta dhe tektonike në arsim, si dhe ju bëni thirrje atyre që t’i respektojnë masat shëndetësore për parandalimin e coroanvirusit, përcjell Telegrafi Maqedoni.

“Besoj se për shumë prej jush, mënyra e re e fillimit të këtij viti shkollor po shkakton një ndjenjë pasigurie. E di që shumë duan që mësimi të zhvillohet ndryshe dhe sinqerisht i kuptoj të gjithë. Por, si një punëtor shëndetësor dhe përgjegjësi i parë në betejën me pandeminë, unë kërkoj mirëkuptim dhe mbështetje për të gjitha vendimet shëndetësore që kemi marrë në lidhje me procesin arsimor. Çdo vendim bazohet në qëllimin parësor dhe më të rëndësishëm, mbrojtjen e shëndetit publik, mbrojtjen e sistemit shëndetësor dhe tejkalimin e krizës. Çdo vendim që kemi marrë është sjellë në mënyrë që të sigurojmë një proces arsimor të mirë, por edhe të sigurt. Dhe kjo është qasja e vetme e saktë në kushtet kur nuk ka zgjidhje ideale”, thotë Filipçe.

Të fundit