Fillojnë koordinimet me vendet fqinje rreth qasjes rajonale për menaxhim me koronavirusin - Tv Koha
Lajmi i Ditës Maqedoni

Fillojnë koordinimet me vendet fqinje rreth qasjes rajonale për menaxhim me koronavirusin

Ministria e Shëndetësisë informoi se fillon koordinimi me vendet fqinje për t’u ballafaquar me koronavirusin, ndërsa këto përgatitje synojnë të sjellin lehtësim të koordinuar të masave për të parandaluar hyrjen dhe përhapjen e Kovid-19 dhe të lejojnë udhëtime të sigurta jashtë vendit për qytetarët kur kushtet do ta lejojnë këtë, kumtoi sot Qeveria.

Në seancën e djeshme, Qeveria mori Vendim për ndryshim dhe plotësim të Vendimit për masat për të parandaluar futjen dhe përhapjen e koronavirusit Kovid-19 dhe Vendim për ndalimin dhe regjimin të posaçëm të lëvizjes në territorin e Republikës së Maqedonisë të Veriut, me të cilin lejohet udhëtimi zyrtar i personave të zgjedhur dhe të emëruar në vendet e huaja.

Në vendim thuhet se për shkak të koordinimit dhe aktiviteteve të tjera të punës që lidhen me masat për Kovid-19, për këta persona pas kthimit të tyre në vend, nuk do të zbatohet karantina shtetërore. Personat janë të detyruar të respektojnë rekomandimet dhe protokollet e Komisionit për sëmundje infektive për të ruajtur distancën e kërkuar, duke mbajtur pajisje personale mbrojtëse. bs/mb/

Related posts

Zaev: NATO dhe BE janë punë e kryer, në periudhën e ardhshme do të punojmë në shtëpi

Televizioni Koha

Ivanovska: Ligji në asnjë rast, as në gjendje të jashtëzakonshme nuk i liron nga përgjegjësia personat që e kanë keqpërdorur pozicionin

Televizioni Koha

Në Maqedoninë e Veriut bie numri i nxënësve, por rritet ai i mësimdhënësve

Televizioni Koha

Leave a Comment