Fillon fushata zgjedhore në Maqedoni, partitë premtojnë zgjedhje demokratike - Tv Koha
Lajmi i Ditës Maqedoni

Fillon fushata zgjedhore në Maqedoni, partitë premtojnë zgjedhje demokratike

Fushata njëzet ditore për zgjedhjet për deputetë në Maqedoninë e Veriut, ka filluar sot dhe do të zgjasë deri më 12 korrik në mesnatë. Këto janë zgjedhjet më specifike që do të mbahen, duke pasur parasysh situatën me COVID-19 dhe masat që pjesëmarrësit, votuesit dhe bordet zgjedhore duhet t’i respektojnë.

Të gjitha partitë pjesëmarrëse në zgjedhje, kanë premtuar zgjedhje fer, demokratike dhe të lira, duke respektuar edhe masat për mbrojtjen e shëndetit.

Në këto zgjedhje do të marrin pjesë 15 koalicione dhe parti politike, prej të cilave shumica tashmë kanë filluar me aktivitetet e tyre për të kërkuar vota.

Më 13 korrik do të votojnë personat e sëmurë nga COVID-19 dhe ata që janë në izolim, por vetëm ata që shtatë ditë më para do të paraqiten për këtë. Të gjithë ata që deri ditën e votimeve do të konfirmohen pozitiv ose do të shkojnë në vetizolim, nuk do të mund të votojnë më 15 korrik.

Më 14 korrik do të votojnë të sëmurët dhe të pafuqishmit, si dhe të burgosurit dhe personat që janë në paraburgim. Ndërsa votimi më 15 korrik do të nis në orën 07:00 të mëngjesit dhe do të zgjasë deri 21:00./Telegrafi/

Related posts

Mustafa e ka vlerësuar si skandaloz dhe brutal mesazhin e BDI-së

Televizioni Koha

Maqedoni, propozohet që të ndalohet lëvizja e qytetarëve nga e premtja deri të martën

Televizioni Koha

6 raste të reja me coronavirus në Tetovë

Televizioni Koha

Leave a Comment