Funda Ibraimi nga Tetova, përfaqësuese në Forumin Botëror të Investimeve - Tv Koha
Lajmi i Ditës Maqedoni

Funda Ibraimi nga Tetova, përfaqësuese në Forumin Botëror të Investimeve

Siç është njoftuar nga Forumi Botëror i Investimeve të Engjëjve të Biznesit (WBAF), Funda Ibraimi, menaxhere e parallogaritjeve në Ecolog International, është emëruar si partnere ndërkombëtare për Maqedoninë e Veriut. Partneri Ndërkombëtar Funda Ibraimi do të përfaqësojë Maqedoninë e Veriut në Asamblenë e Madhe të Forumit Botëror të Investimeve të Engjëjve të Biznesit. Përfshirja e Maqedonisë së Veriut në WBAF siguron një gamë të gjerë mundësish për startup bizneset, dhe bizneset me rritje të lartë dhe hap dyert për zhvillim dhe bashkëpunim ekonomik.

Si partner dhe bashkëpunëtor i organizatës G20 Global Partneriteti për Përfshirje Financiare (GPFI), Forumi Botëror i Investimeve të Engjëjve të Biznesit (WBAF) është i angazhuar të bashkëpunojë globalisht për të fuqizuar zhvillimin ekonomik të botës duke nxitur instrumente financiare inovative për startup bizneset, inovatorët, dhe sipërmarrësit për të promovuar barazinë gjinore dhe pjesëmarrjen e grave në të gjithë sektorët e ekonomisë botërore. WBAF gjithashtu nëpërmjet përpjekjeve të saj globale mundëson lehtësimin në qasjen në financa, për të promovuar përfshirjen financiare dhe për të krijuar më shumë vende pune dhe drejtësi sociale.

WBAF realizon misionin e saj përmes palëve dhe kanaleve të ndryshme. Kjo perfshin:
253 komisionerë të lartë, senatorë dhe partnerë ndërkombëtarë nga 95 vende; 7 zyra vendesh në 5 kontinente; Shkolla e Biznesit WBAF dhe më shumë se 50 anëtarë të fakulteteve të saj nga 32 vende; dhe 5 komitete pune ndërkombëtare.

WBAF gjithashtu ka një fond investimesh, partneritete me 12 institucione globale dhe marrëveshje të bashkëpunimit ekonomik me 5 qeveri. Kongresi Botëror WBAF, i mbajtur në shkurt të çdo viti, pret të paktën 5 samite dhe shumë ngjarje të tjera, duke përfshirë një fazë globale të mbledhjes së fondeve.

Related posts

Uebinar “Sfidat rajonale të sigurisë dhe aktorët e ri shtetëror gjatë dhe pas krizës së pandemisë”

Televizioni Koha

Tetovë: Vazhdojnë kontrollet në trafik, vetëm dje 50 të dënuar

Televizioni Koha

Ulje e fitimit të “Maxhar Telekom”

Televizioni Koha

Leave a Comment