Toni Gjorgjevski-Ferdo nga Manastiri u shpall i pafajshëm për vrasjen e dhëndrit të tij, të cilën ai pretendonte se e kishte bërë në vetëmbrojtje të vajzës së tij. Gjykata e pranoi këtë mbrojtje, gjegjësisht se Gjorgjevski veprën e ka kryer në vetëmbrojtje dhe mbrojtje të nevojshme. Vendimi u dha tetë muaj pas ngjarjes.
“Më në fund, pas tetë muajsh gjykata dha një vendim të saktë, duke e liruar babanë tim. Më në fund është i lirë, faleminderit të gjithëve për mbështetjen”, ka shkruar Jove Gjorgievski, djali i Toni Gjorgievski-Ferdo.
Gjorgievski ishte në paraburgim gjatë gjithë kohës së hetimit, ndërsa familja e tij organizoi një protestë, ku kërkuan lirinë për manastirasin. Prokuroria e Manastirit e ka akuzuar për vrasje.
