Maqedoni

Godina e Qeverisë dhe institucionet e tjera sonte do të ndriçojnë me ngjyrë të kaltër për Ditën Botërore të Autizimit

Në prag të 2 Prillit – Ditës Botërore të Autizmit sonte në orën 20.00 me ngjyrë të kaltër do të ndriçohen godinat e Qeverisë, të Muzeut Arkeologjik, të OBM-së, objektet e komunës së Tetovës, Manastirit dhe Ohrit, në shenjë të solidaritetot me fëmijët me autizëm.

Aktiviteti është në nismë të Ambasadës së Republikës së Bullgarisë në Shkup, ndërsa zbatohet së bashku me OJQ “Në botën time” në bashkëpunim me Qeverinë dhe me komunat.

Më 2 Prill, megjithatë, në Ditën Botërore të Autizmit fëmijë nga Bullgaria, të cilët marrin pjesë në Festivalin folklorik në Ohër, në bregun pranë Liqenit të Ohrit do të lëshojnë tullumbacë të kaltër në shenjë të solidaritetit me fëmijët me autizëm.

Siç deklaroi në intervistën për MIA-n ambasadori bullgar Angel Angelov, në suaza të angazhimeve që i bëjnë si vend anëtar i BE-së, do të hapet edhe qendër e re, e dyta për trajtim të hershëm të fëmijëve me autizëm, të cilin mund ta vizitojnë fëmijë nga pjesa perëndimore e shtetit. Për këtë projekt janë ndarë 102.000 euro.

“Tashmë pp punohet në renovimin e hapësirave të qendrës, ku është vendosur në Repartin e Pediatrisë në Komunën e Spitalit të Përgjithshëm në Ohër. Shpresojmë se deri në fund të shtatorit apo tetorit do të fillojë me punë”, tha Angelov.

Në bashkëpunim me OJQ-në “Në botën time” Ambasada bullgare ka ndihmuar hapjen e Qendrës ditore në Shkup në të cilën kujdesen, gjegjësisht punohet me fëmijë me autizëm në fazën e hershme, projekt me vlerë prej mbi 100.000 euro.

Related posts

Maqedoni, institucionet shkelin afatin për vula dhe dokumente në shqip

Televizioni Koha

Kërkohet pensionimi i arsimtarëve me përvojë 30 vjeçare në zonat malore

Televizioni Koha

Deralla: Kodi zgjedhor është si djath zvicre, zgjedhjet duhet të mbahen në dhjetor ose janar

Televizioni Koha

Leave a Comment