30/06/2022
22.3 C
Tetovo

Të tjera lajme

Italia shënon rritje rekorde të vdekjeve nga koronavirusi

Vetëm në 24 orët e fundit, 49 persona kanë vdekur nga koronavirusi në Itali, duke e çuar në 197 numrin e përgjithshëm të viktimave. Kjo është shifra më e lartë e vdekjeve për një ditë prej kohës kur në vend u regjistrua rasti i parë.

Për më tepër, sipas autoriteteve italiane, numri i personave të infektuar ka shkuar në më shumë se 4600. Kështu, Italia u bë vendi i dytë në botë sa i përket numrit të viktimave të koronavirusit, pas Kinës.

Sipas Institutit Kombëtar të Shëndetësisë në Itali, mosha mesatare e personave të vdekur është 81 vjeçe dhe shumica e viktimave kanë qenë duke vuajtur edhe nga probleme të tjera shëndetësore. Rreth 72 për qind e personave të vdekur ishin burra.

Në bazë të të dhënave të qeverisë italiane, shkalla e vdekshmërisë së personave të infektuar është 4.25 për qind, që njëkohësisht është niveli më i lartë në botë.
Duhet theksuar se Italia është prej vendeve me popullsinë më të vjetër në botë.

Qeveria këtë javë dha urdhër për mbylljen e të gjitha shkollave dhe universiteteve për dhjetë ditë në përpjekje për ta luftuar përhapjen e mëtejme të virusit. Ndërkohë ndeshjet e ligës kryesore të futbollit në Itali, Seria A, do të luhen pa tifozë për një muaj.

Organizata Botërore e Shëndetësisë ka thënë se rreth 100 mijë persona në mbarë botën janë infektuar deri më tash me koronavirusin Covid-19, ndërsa më shumë se tre mijë kanë vdekur, shumica prej tyre në Kinë.gazetaexpress

Të fundit