Ministria e Shëndetësisë informon se Gorjan Gilevski, nuk është më këshilltar në këtë ministri, pasi është shkarkuar.
Largimi i tij nga puna si këshilltar i ministrit Venko Filipçe, ka ardhur pasi dje në disa mediume njoftuan se Gilevski është kapur me marihuanë.
“Ashpër i dënoj procedurat e shkeljes së ligjeve në shtet. Nuk ka drejtësi selektive, ligji vlen njëjtë për të gjithë dhe duhet të respektohet nga çdo qytetar. Gorjan Gilevski nuk është më i angazhuar me punë në Ministrinë e Shëndetësisë. Pres që institucionet kompetente të veprojnë në mënyrë adekuate”, deklaroi sot ministri Venko Filipçe./Telegrafi/
