Komisioni kuvendor për financim dhe buxhet sot në ditën e tretë do të diskutojë rreth Propozimit për ndryshim dhe plotësim të Buxhetit të Republikës së Maqedonisë së Veriut për vitin 2022.
Me buxhetin plotësues, të hyrat e përgjithshme janë planifikuar në nivelin prej 245,8 miliardë denarë dhe janë rreth 6,9 miliardë denarë ose 2,9 për qind më të larta se parashikimet fillestare të buxhetit. Shuma e shpenzimeve gjithsej është 288,5 miliardë denarë ose rreth 161,1 miliardë denarë (5,9 për qind) më shumë se parashikimet fillestare me planin për vitin 2022. Shpenzimet kapitale janë planifikuar në nivelin prej 32,2 miliardë denarë dhe janë rreth gjashtë miliardë denarë më të ulëta se plani për vitin 2022, por qeveria njofton se do të vazhdojnë projektet për ndërtimin e rrugëve, hekurudhave, gazsjellësit…
Përmes rishikimit të buxhetit janë paraparë rreth 70 milionë euro për masat kundër krizës, të cilat, siç paralajmëruan zyrtarë të qeverisë në të kaluarën, do t’u drejtohen atyre që kanë më shumë nevojë.
