Komisioni për sëmundje ngjitëse në mbledhjen e sotme ka marrë vendim që çerdhet, shkollat fillore, të mesme dhe Universitetet të mos zhvillojnë procesin e arsimit në 14 ditët e ardhshme.
Gjithashtu, ndalohen të gjitha mbledhjet publike në ambiente qoftë të hapura ose të mbyllura, qoftë në aktivitete sportive apo ngjarje kulturore.
Në kumtesë thuhet se të moshuarit ta shmangin përdorimin e transportit publik.
Komisioni rekomandon që të gjithë punonjësit e shëndetit publik të lirohen nga aktivitetet e mëtejshme të lidhura me zgjedhjet.