Komuna e Kumanovës: Kërkojmë të shtohet personeli mjekësor dhe gjithë komuna të vendoset në karantinë - Tv Koha
Lajmi i Ditës Maqedoni

Komuna e Kumanovës: Kërkojmë të shtohet personeli mjekësor dhe gjithë komuna të vendoset në karantinë

Shtabi komunal për mbrojtje nga coronavirusi në Komunën e Kumanovës, sot ka mbajtur seancë në të cilën ka diskutuar për aktivitetet dhe masat për parandalimin e përhapjes së Covid-19.

Në këtë seancë është vendosur që të kërkohet nga Ministria e Shëndetësisë ta shtojë kapacitetin njerëzor në spitalin e Kumanovës, me shtimin e epidemiologëve dhe profesionistëve tjerë, në mënyrë që të mos ndërpritet testimi në territorin e komunës, përcjell Telegrafi Maqedoni.

“I informojmë qytetarët se Spitali i Përgjithshëm i Kumanovës, të gjitha rastet që nuk kanë simptoma të coronavirusit, por vetëm temperaturë dhe simptoma tjera, do të dërgohen në Departamentin për sëmundje të veshëve, fytit dhe hundës”.

“Shtabi komunal për mbrojtje edhe më tej mbetet në qëndrimin se është i nevojshëm karantimini i gjithë territorit të Komunës së Kumanovës. Angazhohet komuna që të bëjë blerje shtesë të pajisjeve mbrojtëse (maska, syza, uniforma), mjete për dezinfektim dhe pajisje për dezinfektim (pompa dhe makina)”, thuhet në njoftimin e Komunës së Kumanovës.

Ata i ftojnë të gjithë marketet që të vendosin telefona për porositje dhe ekipe shtesë për dërgesa./Telegrafi/

Related posts

Gjashtë të vdekur nga ortekët në Austri

Televizioni Koha

Mot me diell dhe i ngrohtë deri në 33 gradë, pasdite shi i mundshëm lokal

Televizioni Koha

Asnjë udhëtar për në Finlandë s’ka qenë pozitiv në RMV

Televizioni Koha

Leave a Comment