Për nder të 14 marsit, ditës së fillimit të luftës në Malësinë e Tetovës dhe me rastin e themelimit të shoqatës Kulturo-artistike Jehona e Malësisë së Sharrit, mbrëmë në qendrën për Kulturë në Tetovë është mbajtur koncerti tradicional Pushka e Lirisë, transmeton Televizioni Koha.
Me këtë rast, kjo shoqëri kulturo-artistike kishte përgatitur një program të pasur me këngë dhe valle për nderë të 14 marsit.
Të hapur këtë koncert e shpalli kryetari I këshillit të komunës së Tetovës Bekim Memeti, përcjellë Televizioni Koha.
Nga kjo shoqëri thonë se qëllimi është që të përkujtohen sakrifica dhe lufta e vitit 2001 në veçanti dëshmorët e kombit.
Në këtë koncert të pranishëm kanë qenë edhe përfaqëuses të komunës së Tetovës, zëvendëskryeministri Hazbi Lika, sekretari në Ministrinë e Kulturës Valmir Aziri dhe mysafor të tjerë. /Tv Koha/
