Lidhja Social Demokrate e Maqedonisë, përmes një kumtese për media ka njoftuar se Maqedonia e Veriut edhe zyrtarisht nga 1 janari ka marë kryesimin me OSBE-në, organizatën më të madhe të sigurisë ku bëjnë pjesë 57 vende mes të cilave SHBA-të dhe Rusia, informon Zhurnal.
Sipas tyre, kjo është një nga sukseset më të mëdha të diplomacisë maqedonase.
“Në vitin 2023 kur bota ende është në një periudhë delikate përshkak agresionit mbi Ukrainën, pikërisht shteti jonë do të ketë rol të rëndësishëm në mbrojtjen e paqes dhe stabilitetit në botë. Nëse deri para disa viteve kemi qenë jashtë dhe pritnim vendime për të ardhmen tonë, sot, ulemi në tavolinat kryesore të organizatave më të mëdha botërore, dhe vet vendosim për të ardhmen tonë dhe të ardhmen e botës.
Falë fitoreve diplomatike të qeverive të udhëhequra nga LSDM, sot jemi shtet i respektueshëm dhe partner në botën demokratike”, thuhet në kumtesën e sotme të LSDM-së//Zhurnal.mk
