29/03/2024
9.7 C
Tetovo

Të tjera lajme

Maqedoni: Kartelat e pagesave do të jepen në llogari të veçanta

Fatmir Bitiqi, këshilltari ekonomik i qeverisë, në një konferencë shtypi tha se paratë nga grupi i tretë i masave ekonomike për konsum më të lartë dhe zhvillim të veprimtarive ekonomike vendase do të paguhen në llogari të veçanta.

“Kartat e pagesave do të jenë me një llogari të veçantë, domethënë pagesa nuk do të bëhet në llogaritë e rregullta të qytetarëve. Për më tepër, do të ketë një listë të bankave në të cilat do të merren ato karta. Në dy deri në tre javë, të gjitha detajet do të dihen”, tha Bitiqi.

Një kartë pagese prej 150 euro secila për produktet dhe shërbimet në Maqedoni do t’u jepet të gjithë të papunëve, punëkërkuesve dhe atyre që nuk kanë të ardhura mujore mbi 15.000 denarë sipas DAP, si dhe shfrytëzuesve të ndihmës minimale të garantuar.

Karta pagesa prej 50 eurosh për pushimet verore do t’u jepet të gjithë punëtorëve me të ardhura të ulëta, ndërsa studentëve dhe nxënësve të shkollave të mesme gjithashtu do t’u jepet e njëjtë gjë për konsum shtëpiak./Telegrafi/

Të fundit