Maqedonia e Veriut në periudhën nga 2020-2050 do të humbasë 10,9 për qind të popullsisë së saj. Këtë e bëjnë të ditur të dhënat e “World of Statistics”.
Duke marrë parasysh 1.836.713 banorë të numëruar në regjistrimin e vitit 2021, kjo do të thotë se në mesin e shekullit në territorin e Maqedonisë do të jetojnë 200.202 më pak ose gjithsej 1.636.511.
Bullgaria do të ketë rënien më të madhe të popullsisë në periudhën e përmendur, edhe ate me 22,5 për qind. Duke marrë parasysh se në regjistrimin e fundit para dy viteve, në fqinjin lindor të Maqedonisë numëroheshin rreth 6.5 milionë bullgarë, rezulton se në vitin 2050 atje do të jetojnë pak më shumë se 5 milionë banorë!
