Sot Komuna e Çairit nënshkroi Marrëveshjen kolektive me Sindikatën e Punëtorëve të Administratës, Organeve Gjyqësore dhe Shoqatave të Qytetarëve – SPOGJSH. Avancimi i të drejtave, detyrimeve, përgjegjësive dhe çështjeve të tjera që kanë të bëjnë me marrëdhëniet e punës së punëtorëve të Komunës së Çairit, si harmonizimin e pagave me rritjen e pagës minimale, rritjen e vlerës së regresit për pushim vjetor, pagesën e shpërblimeve jubilare janë disa nga çështjet që kanë të bëjnë me këtë marrëveshje.
“Aktin e nënshkrimit të Marrëveshjen kolektive e bëmë me kryetarin e SPOGJSH Trpe Deanoski dhe Kryetarin e Organizatës Sindikale në Komunën e Çairit, Sabit Shabani”, njoftoi kryetari i komunës së Çairit, Visar Ganiu./Zhurnal.mk
