Sektori i Punëve të Brendshme të Radovishit ka bërë kallëzim penal ndaj 31-vjeçarit P.S. nga Struga, 51-vjeçari Z.A. nga fshati Dedino, Komuna Konçe dhe 47-vjeçari C.S. nga Dolno Orizari i Manastirit, njoftoi Ministria e Punëve të Brendshme (MPB).
Ata dyshohet se kanë kryer veprat penale të “keqpërdorimit të të dhënave personale”, “mashtrimit në marrjen e kredive dhe lehtësive të tjera”, “mashtrimit kompjuterik”, “krijimit dhe përdorimit të kartës së pagesës false” dhe “ndihmës” në lidhje me krime.
Në periudhën nga shtatori deri në dhjetor 2022, P.S. përmes Facebook-ut dhe komunikimit telefonik ka kontaktuar Z.A. të cilëve u ka dhënë udhëzime për mbledhjen e të dhënave personale, llogarive të transaksioneve dhe numrave të kartelave të pagesës nga Radovishi, pas së cilës Z.A. ka siguruar të dhëna nga tre radovishanë dhe ia ka dorëzuar P.S. Me të dhënat, personi nga Struga pa dijeninë e të dëmtuarve ka aplikuar për kredi në emër të të dëmtuarve, ka aksesuar dhe ka ndryshuar të dhënat e tyre në sistemin bankar për banking elektronik dhe ka kryer transaksione në emër të tyre, gjegjësisht me kartelat e tyre të pagesës.
“Shumica e parave që i dyshuari Z.A. i ka tërhequr nga llogaritë e viktimave dhe ia ka dorëzuar P.S., i cili në atë moment ishte duke vuajtur dënimin me burg në Burgun e Idrizovës, dhe një përqindje të vogël e ka mbajtur për vete. I dyshuari i tretë C.S. duke vënë në dispozicion llogarinë e saj bankare, ajo i ka mundësuar të dyshuarit të parë P.S. të disponojë mjetet e fituara në mënyrë të kundërligjshme, gjegjësisht të kryejë transferim elektronik të mjeteve nga llogaritë e transaksionit të të dëmtuarve, duke përdorur pa autorizim kartelat e tyre të pagesës”, njoftoi MPB.
Me veprime të tilla, P.S. dhe Z.A. në mënyrë të kundërligjshme ka fituar dobi pasurore prej 463.959 denarë në dëm të tre personave nga Radovishi./a1on/
