Mediat botërore raportojnë për vdekje si pasojë e përdorimit të ilaçit që e aprovoi Trump – Tv Koha
Botë Lajmi i Ditës

Mediat botërore raportojnë për vdekje si pasojë e përdorimit të ilaçit që e aprovoi Trump

Mediat prestigjioze po raportojnë se ilaçet që u aprovuan nga presidenti Donald Trump për ta luftuar virusin Covid-19, po shkaktojnë vdekje. Ekspertët kanë dyshime mbi këto ilaçe, ndërsa vetë Trump thotë se “mund të funksinojnë ose jo”, por se “nuk ka asgjë për të humbur”, shkruan Gazeta Express.

Një burrë ka vdekur në Arizona dhe gruaja e tij është në gjendje kritike, pasi përdorën klorokuin, një ilaç për të cilin presidenti amerikan Donald Trump tha se e shëron sëmundjen nga virusi COVID-19, shkruan The Guardian.

Autoritetet amerikane kanë thënë se çifti rreth të 60’ave, u sëmurën rreth një ore e gjysmë pasi e morën dozën e ilaçit.

The Washington Post shkruan se në Nju Jork po rritet në një shkallë dhe një shpejtësi të paprecedent, shpërndarja e dhjetëra mijëra dozave te pacientët shumë të sëmurë, të ilaçit që deri tash është përdorur kundër sëmundjes së Malarias.

Liderë politikë, përfshirë presidentin Trump, nxitën që të përdoren këto ilaçe të patestuara se mund të jenë efektive ndaj koronavirusit, shkruan The Ëashington Post.

Sipas kësaj gazete, ekspertët e shëndetësisë kanë rezerva mbi ilaçet sepse ato mund të shkaktojnë atak kardiak apo dëmtim të syve apo edhe mund ta lënë në gjendje kome pacientin.

“Është ngritur si shqetësim në mesin e ekspertëve të shëndetit për rreziqet që lidhën me kët ilaçe, përfshirë sulmin në zemër dhe humbjen e shikimit” shkruan WP.

Sipas Washington Post pashtu me këto ilaçe janë rritur shpresa të rrejshme tek publiku amerikan.

Presidenti Trump është pyetur gjatë konferencës së 20 marsit rreth sigurisë së këtyre ilaçeve.

“Ato mund të jenë të efketshme, mund të mos jenë. Por kam një ndjenjë të mirë. Dhe ju e dini, unë jam njëri i mençur”, ka thënë Trump.

“Çfarë dreqin kemi për të humbur”, ka thënë tutje presidenti amerikan.

Një javë më parë, autoritetet amerikanë aprovuan përdorimin e kombinimit të dy ilaçeve, të cilat, në studimin e hershëm, kishin dhënë rezultat pozitiv në luftimin e virusit në trupin e njeriut.

Në SHBA brenda kësaj jave është rritur numri i të prekurve, duke e kaluar edhe Kinën me raste të infektuara. Deri tash, në SHBA kanë dalë pozitiv 85.991 persona. /Express

Related posts

Njeriu i parë i Këshillit të Evropës, Sharl Mishel për vizitë në Maqedoninë e Veriut

Televizioni Koha

Deshmia rrenqethese: Aderina, vajza ime eshte bllokuar nen rrenoja, uroj te jete gjalle

Televizioni Koha

Maqedoni: 46 raste të reja, dy të vdekur dhe tre të shëruar në 24 orët e fundit

Televizioni Koha

Leave a Comment