Duke komentuar mbështetjen që po i jep Qeverisë LSDM-BDI, kreu i PDSH-së Menduh Thaçi në Click Plus në TV21 tha se prapë do e zgjidhte BDI-në për bashkëpunim, para partive opozitare. Sipas tij, BDI nuk është tradhtare.
“Po e them edhe një herë, në raport me tradhtinë, 1000 herë do ta përkrahi BDI-në, BDI-në e kam kundërshtarë, në momente të caktuara i kam pasur armiq, revolucione socialiste kanë bërë për të më rrëzuar prej pushtetit, por nuk mund të them se BDI-ja janë tradhtarë. Këta të tjerët, të cilët u futën në betejë politike kinse për ta rrëzuar BDI-në, ma thuaj njërin që nuk kanë qenë në bashkëqeverisje me BDI-në për para meje”, tha mes tjerash Thaçi në Click Plus.
