Shpërthen në flakë një makinë para Kryeministrisë, në bulevardin “Dëshmorët e Kombit”, në Tiranë.
Ngjarja ndodhi rreth orës 13:35, teksa makina ishte në ecje e sipër.
Në vendin e ngjarjes mbërriti shërbimi zjarrfikës, duke vënë nën kontroll flakët e zjarrit.
Fatmirësisht nga djegia e mjetit, nuk ka të lënduar në njerëz, pasi drejtuesja e mjetit shtetasja L.H., ka zbritur nga mjeti.
Paraprakisht dyshohet për shkaqe aksidentale, si pasojë e një defekti teknik, ndërkohë që hetimet janë në vijim.