29/06/2022
28.8 C
Tetovo

Të tjera lajme

Mickoski: Unë propozova Afrim Gashi të bëhet kryeministër, por BDI dhe LSDM refuzuan

Lideri i opozites maqedonase Hristjan Mickovski i cilësoi si fyese komentet e kryeministrit Edi Rama në samitin e fundit rajonal të Selanikut, ku e prezantoi shefin e qeverisë së Shkupit, si kryeministër të Bullgarisë Perëndimore.

Në një intervistë ekskluzive në Syri Televizion me gazetarin Çim Peka, Mickovski tha se komente të tilla nuk mund te bëhen për një vend fqinj.

“Jemi mjaft të acaruar si maqedonas dhe gjëja e fundit që prisnim nga një fqinj i mirë, mënyra se si sillet Rama, publikisht, ishte pikërisht kjo batutë dhe thashë, pavarësisht nga përkatësia e çdo kujt, askush nuk duhet të thotë një fyerje të tillë”.

Lideri i opozites maqedonase nuk u shpreh i qarte rreth projektit të ‘Ballkanit të Hapur’, por nga ana tjetër tha se vendi i tij duhet të mbështetet tek Pocesi i Berlinit.

“Së pari duhet të shohim se cili është synimi i këtij procesi dhe më pas do të vendosim për opozitën tonë. Deri më tani ne nuk e dimë thelbin, substancën e kësaj iniciative … por sigurisht që jemi pjesë e ‘Procesit të Berlinit’ sepse të gjitha vendet e Ballkanit janë pjesë e ‘Procesit te Berlinit’.

Kryetari i VMRO-DMPNE u pyet edhe për bashkëqeverisjen me shqiptarët dhe mundësitë që një ditë vendi i tij të ketë një kryeministër shqiptar. Deklaratat e Mickovskit ishin të papritura rreth kësaj çështje.

“Unë kam propozuar që një shqiptar të jetë Kryeministër. Unë i kam ofruar zotit Afrim Gashi që të bëhet Kryeministër në një konferencë publike. Asokohe social demokratët dhe BDI vendosën që ta hedhin poshtë propozimin tim dhe çështja kryesore nuk është a pranojmë ne apo jo por përse social demokratët e kundërshtuan propozimin tim? Ndoshta ngaqë Afrim Gashi nuk është pjesë e BDI-së dhe sipas Ali Ahmetit dhe politikanëve të tjerë BDI ka të drejtë të privatizojë interesat e shqiptarëve në vend. Bëni mirë që këto pyetje t’i bëni në një mënyrë tjetër. Përse BDI dhe social demokratët nuk pranuan propozimin tim që Afrim Gashi të bëhej kryeministër?!”

Shefi i opozitës maqedonase hodhi dritë edhe mbi prapaskenat që shoqëruan arratisjen e bujshme nga vendi të ish-kryeministrit maqedonas Nikolla Gruevski.

“Unë besoj se përgjigjja e duhur për pyetjen tuaj është se: Kush e la të ikte? Unë nuk kam qenë kryeministër kur qeveriste Gruevski, ka qenë dikush tjetër dhe ky është Ministri i Punëve të Brendshme. Kështu, përgjigjja ndaj pyetjes duhet të jepet nga dikush tjetër. Përsa i përket mendimit tim personal, askush nuk mund t’ia mbathë nga drejtësia”.

Mickovski u ndal edhe tek problemet e drejtësisë në Maqedoninë e Veriut duke deklaruar se ajo është e kapur nga politika.zhurnal.mk

Të fundit