29/03/2024
18.7 C
Tetovo

Të tjera lajme

Micotakis: Marrëveshja e Prespës ka gabime! Athina po përpiqet për marrëdhënie të mira me Shkupin

Kritika ime për marrëveshjen nuk i referoheshin emrit, ajo i referohej gjuhës maqedonase dhe etnisë maqedonase dhe vazhdoj të besoj se ky është një gabim i madh, tha kryeministri grek, Kirjakos Micotakis, një intervistë për televizioni grek “Antena”.

Micotakis shpjegon se “këto gabime nuk mund të shërohen” dhe theksoi se tani Greqia po përpiqet për marrëdhënie të mira me Maqedoninë e Veriut.

“Që nga momenti kur ndodhi, ne kemi të gjitha arsyet që të përpiqemi për marrëdhëniet më të mira të mundshme me Maqedoninë e Veriut dhe kryesisht për të zgjeruar ndikimin tonë ekonomik. Sepse për momentin Greqia po bëhet sërish protagoniste e hartës energjetike të Ballkanit, jo vetëm në atë që po ndodh në Greqi. Greqia është një burim natyror i kontributit të energjisë në Ballkan dhe në Evropën Qendrore dhe Lindore dhe ne synojmë të shfrytëzojmë sa më shumë rolin tonë”, tha Micotakis.

Ai theksoi se procesi i anëtarësimit të vendit në Bashkimin Evropian duhet të fillojë, sepse përmes tij Greqia “do të ketë mundësinë të bëjë presion për zbatimin e marrëveshjes dhe të shërojë çdo dobësi aq sa e lejon kuadri ligjor”.

Micotakis thotë se është plotësisht në përputhje me pikëpamjet për Marrëveshjen e Prespës të paraqitura përpara se partia Demokracia e Re të vinte në pushtet, duke shpjeguar se do të kishte qenë shumë e lehtë dhe e dobishme për të nëse ai do të kishte thënë në prag të zgjedhjeve se do të anulojë marrëveshjen.

“Nuk e kam bërë këtë sepse jam një politikan serioz dhe e di shumë mirë që marrëveshjet nuk mund të ndryshohen”, tha kryeministri grek.

Në një intervistë për televizionin grek “Antena” të transmetuar pak para mesnatës, Micotakis njoftoi një rritje të dytë të pagës minimale në Greqi, duke përjashtuar çdo mundësi për vendosjen e “mbylljes” në vend, por edhe çdo skenar për mbajtjen e zgjedhjeve të parakohshme parlamentare.

Të fundit