23/05/2022
15.4 C
Tetovo

Të tjera lajme

Ministri aktual dhe ish-ministri i Arsimit dhe Shkencës Shaqiri dhe Ademi pajtohen: Arsimi duhet të përballet me ndryshimet e shpejta të trendeve moderne

Arsimi duhet të jetë vizionar dhe brezat e sotëm këtë duan nga ne, ata të cilët do të jenë qytetarë të së ardhmes. Angazhimet për arsimimin do të përmbushë, pranojë dhe zbatojë risitë dhe ndryshimet e shpejta shkencore dhe teknologjike, për këtë u pajtuan ministri aktual i Arsimit dhe Shkencës Jeton Shaqiri dhe ish ministri Arbër Ademi. Në takimin e sotëm, ku ishte i pranishëm edhe Erkan Arifi, kryetari i Komunës së Likovës, u bisedua për aktivitetet e ardhshme pranë Ministrisë së Arsimit dhe Shkencës si dhe për investimet kapitale në infrastrukturën arsimore.

Ademi, i cili është deputet aktual dhe koordinator i grupit parlamentar të BDI-së, theksoi se është veçanërisht i kënaqur që ministri Shaqiri vazhdon të promovojë arsimin e mesëm profesional, aktivitet që ka filluar me Qeverinë gjatë mandatit të tij. Ai shprehu gatishmërinë për të ndihmuar ministrinë në procesin e fuqizimit të arsimit dual, sepse kualifikimi i të rinjve për përfshirje më të lehtë në tregun e punës është jashtëzakonisht i rëndësishëm.

Të dy bashkëbiseduesit diskutuan edhe për reformat në arsimin fillor dhe rëndësinë e vazhdimit të proceseve për modernizimin e kurrikulës si dhe përmirësimin e procesit gjithëpërfshirës.

Të fundit