Është një kohë e keqe për të qenë në biznesin e naftës.
Çmimet e naftës ranë me më shumë se 9%, duke arritur në nivelin e tyre më të ulët në gati tre vjet të premten e 6 marsit, pasi kombet kryesore prodhuese nuk arritën të bien dakord për shkurtimet e furnizimit që synojnë adresimin e rënies së kërkesës globale të shkaktuar nga shpërthimi i koronavirusit .
OPEC i udhëhequr nga Arabia Saudite të enjten kishte propozuar një qasje dypalëshe ndaj aleatit të saj kryesor Rusia: zgjatjen e shkurtimeve ekzistuese të prodhimit prej 2.1 milion fuçi deri në fund të vitit 2020 dhe të bëjë shkurtime të mëtejshme prej 1.5 milion fuçi në ditë.
Por Rusia nuk pranoi të mbështesë planin në një takim me OPEC në Vjenë të premten, duke lënë të ardhmen e aleancës së saj tre-vjeçare me OPEC në dyshim.
Sekretari i Përgjithshëm i OPEC-ut, Mohamed Barkindo, duke folur para gazetarëve pas mbledhjes, tha se nuk kishte konsensus për të zgjatur politikën e kufizimit të furnizimit përtej fundit të marsit dhe OPEC nuk do të vepronte në mënyrë të njëanshme. Diskutimet do të vazhdonin, shtoi ai, por nuk dha detaje të tjera.
/Ora News.tv/
