Komisioni për Bujqësi, Pylltari dhe Ekonominë e Ujërave dhe Komisioni për Shëndetësi, do të mbajnë sot seanca në Kuvendin e Republikës së Maqedonisë të Veriut.
Në agjendën e Komisionit të Bujqësisë është Informacioni mbi gjendjen e duhanit nga të korrat 2020-2021 deri më datë 21.12.2020, të parashtruar nga një grup deputetësh nga opozita.
Para anëtarëve të Komisionit Shëndetësor janë dy propozim-ligje në lexim të dytë, që miratohen me procedurë të shkurtuar – ndryshimet dhe plotësimet në Ligjin për kujdes shëndetësor dhe ndryshimet në Ligjin për sigurim shëndetësor.
