28/03/2024
16 C
Tetovo

Të tjera lajme

Në deponinë Rusino prej mbrëmë lejohen vetëm kamionë të Ndërmarjes komunale të Gostivarit

Mbeturinat komunale nga komuna e Gostivarit sërish sillen në deponinë Rusino pas pothuajse bllokadës prej tre ditëve. Pushteti lokal dhe qytetarët të cilët protestuan, arritën marrëveshje të përkohshme, me çka u parandalua shtresimi i mbeturinave në qytet dhe lagjet përreth.

Nga nisma qytetare “Stop Rusino – ajër i pastër për Gostivarin” konfirmuan se do t’i lejojnë vetëm automjetet e Ndërmarrjes komunale Gostivari, përderisa ndalesa për ndërmarrjet e tjera komunale do të vlejë edhe më tutje.

Marrëveshja u arrit pasi që Komuna e Gostivarit përmbushi një nga kërkesat, përkatësisht të dërgohet dokument me kërkesë drejt Qeverisë dhe Ministrisë së Ekologjisë për zgjidhje të problemit me deponinë Rusino.

Ndërprerja e bllokadës, e cila filloi prej të dielës në mesditë, mbrëmë rreth orës 22:00 e konfirmoi edhe drejtori i NP Komunalja, Isak Lazami.

Ndërmarrja komunale Gostivari u përball me problem, pasi që tre ditë nuk mund të transportonte mbeturina në deponi. Mbeturinat nga kontejnerët i depononin në një nga hallat të cilat i shfrytëzojnë si depo.

Ndërkohë, kryetari i Komunës së Gostivarit, Arben Taravari akuzoi se rreth protestave për deponinë “Rusino” ka lojëra të pista në të cilat është e përzier deponia.Zhurnal.mk

Të fundit