Warning: Cannot modify header information - headers already sent by (output started at /home/content/95/6740595/html/wordpress/index.php:3) in /home/content/95/6740595/html/wordpress/wp-content/themes/pennews/functions.php on line 254
Në vigjilje të 7 Marsit – Ditës së Mësuesit, UT i dhuroi donacion shkollës periferike të Buzallkovës së Velesit - Tv Koha
Lajmi i Ditës Maqedoni

Në vigjilje të 7 Marsit – Ditës së Mësuesit, UT i dhuroi donacion shkollës periferike të Buzallkovës së Velesit

Në vigjilje të 7 – Marsit, Ditës së Mësuesit, Universiteti i Tetovës, me vendim të Këshillit të Rektoratit, Shkollës fillore periferike “Vasil Glavinov” në fshatin Buzallkovë të Komunës së Velesit i dorëzoi një donacion – inventar me pajisje teknike.

Dorëzimin e këtij donacioni e bëri sot Rektori i Universitetit të Tetovës, Prof. Dr. Vullnet Ameti, i shoqëruar edhe nga bashkëpunëtorët e tij dhe drejtues të njësive të tjera akademike të Universitetit tonë.

Ai, gjatë takimit me drejtuesit e kësaj shkolle tha se, Universiteti i Tetovës me vendim të Këshillit të Rektoratit, në mbledhjen e mbajtur më 4 mars 2020, vendosi që Shkollës fillore “Vasil Gllavinov” t’i dorëzojë donacion – inventar për shfrytëzim të përhershëm të sendeve të luajtshme, si: banka, karrige, dollapë, tavolina, kompjuterë, projektorë, printerë, grafoskopë dhe LED Televizor.

Veç kësaj, ai drejtuesve të kësaj shkolle u dhuroi edhe Logon e Universitetit të Tetovës, bashkë me portretin e themeluesit dhe Rektorit të parë historik të UT-së, Prof. Dr. Fadil Sulejmani, si dhe një pikturë me pullën postare të dizajnuar me Logon e Universitetit të Tetovës.

Drejtori i shkollës “Vasil Glavinov”, Sashko Cokov e falënderoi Rektorin e Universitetit të Tetovës për këtë donacion, i cili sipas tij do të ndihmojë në procesin edukativ – arsimor të nxënësve, pasi të gjithë bashkërisht bëjmë përpjekje pikërisht për të mirën e tyre.

Ndërsa përgjegjësi i Shkollës fillore “Vasil Glavinov” të fshatit Buzallkovë, Maksut Bakiovski në fjalën e tij, përveç prezantimit të aktiviteteve që realizohen në këtë shkollë, i falënderoi drejtuesit e Universitetit të Tetovës për mbështetjen që u japin shqiptarëve të rajonit të Velesit. Ai, po ashtu tha se një pjesë e kuadrit të kësaj shkolle të gjithë janë të diplomuar në Universitetin e Tetovës.

Në këtë shkollë janë të regjistruar gjithsej 397 nxënës të shpërndarë në 17 paralele. Prej klasës VI-IX, mësimin e vijojnë edhe nxënësit nga fshatrat Slivnik dhe Kllukovec. Në realizimin e procesit edukativ-arsimor janë të inkuadruar 26 mësimdhënës, të gjithë me përgatitje përkatëse arsimore.aktuale.mk/

Related posts

Publikohet lista e kompanive që morën ndihmë shtetërore por nuk kanë paguar pagat e punonjësve

Televizioni Koha

Familjari i viktimës së katërt nga coronavirusi në Strugë: Na thanë të vijmë vetëm kur do rezultojë pozitiv në test

Televizioni Koha

Fillon përdorimi i testeve të shpejta për COVID-19 në Maqedoninë e Veriut

Televizioni Koha

Leave a Comment