Një muaj paraburgim për të dyshuarin që theri dy persona – Tv Koha
Kronika e Zeze

Një muaj paraburgim për të dyshuarin që theri dy persona

Gjykata Themelore në Gjakovë ka aprovuar kërkesën e Prokurorisë Themelore, duke i caktuar masën e paraburgimit prej tridhjetë (30) ditëve të pandehurit A.B.

I pandehuri dyshohet se me datë 17 shkurt 2019, në dy vende të ndryshme dhe atë rreth orës 16:00 në ambientet e një kafiterie në Gjakovë i ka shkaktuar lëndime të lehta trupore të dëmtuari D.Sh., duke e goditur një herë me thikë në pjesën e nënsqetullës e më pas, rreth orës 17:15 minuta në oborrin e shkollës së muzikës “Prenk Jakova” i shkakton lëndime të rënda trupore të dëmtuarit B.D., duke e goditur me thikë një herë nënsqetull dhe një herë në shpinë, lëndime këto të konstatuara nga raportet fillestare të mjekut, me ç’rast dy të dëmtuarit D.Sh. dhe B.D. është dashur të marrin trajtim mjekësor.

Me këto veprime dyshohet se i pandehuri A.B. ka kryer dy vepra penale, lëndim i lehtë dhe lëndim i rëndë truporë, i pandehur do të mbahet në paraburgim në kohëzgjatje prej një muaji, i cili do të llogaritet prej kohës së arrestimit më 17 shkurt 2019 dhe di të zgjasë deri më 19 mars 2019.

Gjyqtari i procedurës paraprake, ka vlerësuar se janë përmbushur kushtet ligjore për caktimin e masës së paraburgimit për të pandehurin në fjalë, ngase kemi të bëjmë me vepra penale të natyrës së rëndë dhe të njëpasnjëshme të kryera në interval kohorë prej 1 orë e 15 minuta, ashtu që me gjetjen e mundshme të të pandehurit në liri ekziston rreziku i përsëritjes së veprës penale apo i kryerjes së ndonjë vepre të re penale.

Related posts

“Njeriu i kërkimit dhe i pasioneve”/ Ndërron jetë akademiku Gudar Beqiraj

Televizioni Koha

Ndërron jetë këngëtari dhe tekstshkruesi i njohur Irfan Blakçori

Televizioni Koha

RMV, një 26-vjeçar e ka humbur jetën duke vozitur trotinet elektrik

Televizioni Koha

Leave a Comment