Ministri i Jashtëm i RMV-së, Bujar Osmani, në konferencën e sotme për media me kolegun e tij bullgar, Nikollaj Milkov, informoi se muajin e ardhshëm në Shkup do të organizohet një forum i përbashkët biznesi mes dy vendeve.
“Do të lidhim bizneset nga të dyja vendet me institucione premtuese për të identifikuar më tej potencialet për bashkëpunim edhe më të madh ekonomik”, tha Osmani.
“Dua të besoj se së bashku me kolegun tim Milkov do të bëjmë gjithçka që të mos lejojmë të tjerët të udhëheqin politikën tonë të jashtme dhe të tjerët të formojnë marrëdhëniet tona dypalëshe, por ne të dy së bashku me diplomatët e ministrive tona do të vazhdojmë të ndërtojmë një të ardhme evropiane për qytetarët tanë”, tha ndër të tjera Osmani.
Ai thekson se qytetarët kanë të drejtë të bëjnë shoqata në çdo bazë, por kjo duhet të jetë në frymën e bashkëpunimit dhe fqinjësisë së mirë.
“Ligji qëllimi i të cilit ishte t’i përgjigjej momentit dhe të parandalonte sabotimin e komuniteteve nga palët e interesuara. Për faktin se disa çështje në vetë ligjin janë kontestuese, do t’i rekomandoj Qeverisë që Ligjin ta dërgojë në Komisionin e Venecias, në mënyrë që ai të thotë nëse ka apo jo elemente që kontestohen në të”, tha Osmani duke u përgjigjur në pyetjen për ndryshimet në Ligjin për shoqata dhe fondacione me emra të diskutueshëm./Telegrafi/
