Të martën skuadra e Shkëndijës do të zhvillon ndeshjen kthyese në kuadër të raundit të parë eliminator të Ligës së Kampionëve, kundër ekipit nga Estonia, Nome Kaljut. Tekniku i kampionit të Maqedonisë, Qatip Osmani ka theksuar se fitorja në ndeshjen e parë në Talin nuk garanton asgjë dhe se edhe në ndeshjen kthyese duhet të luajmë për fitore. “Na pret ndeshja kthyese ndaj Nome Kalju.
Kemi rezultat pozitiv, do të analizojmë mirë kundërshtarin, e dimë kualitetin tonë dhe shpresojmë se do të kalojmë në raundin tjetër. Por duhet të theksojmë se rezultati i ndeshjes së parë në Talin nuk na garanton asgjë. Do të futemi maksimalisht të koncentruar në ndeshjen kthyese për të arritur qëllimin”, theksoi trajneri Qatip Osmani.
