Panel diskutim me temë “Zgjedhje të lira përballë propagandës së zezë” do të mbahet sot në organizim të CIVIL-it.
Pjesëmarrës në panel diskutimin, siç paralajmëruan organizatorët, do të jenë zëvendës ministrja e Punëve të Brendshme Sllavjanka Petrovska, koordinatori kombëtar për komunikime strategjike në Qeveri, Marjan Zabërçanec dhe Jasna Baçovska, profesoreshë universitare. Moderator i panel diskutimit do të jetë kryetari i CIVIL-it, Xhabir Deralla.
“Si propaganda e zezë ndikon ndaj kushteve për mbajtjen e zgjedhjeve të lira? Çka duhet dhe çka mund të bëjnë Qeveria dhe institucionet relevante, e çka shoqëria civile në luftën kundër propagandës së zezë, lajmeve të rreme, dezinformatave dhe fjalës së urrejtjes? Çka është propaganda e zezë? Çka janë kërcënimet hibride ndaj demokracisë? Me cilat sfida ballafaqohet Maqedonia e Veriut? Cilat janë përvojat e vendit tonë me propagandën e zezë dhe kërcënimet hibride ndaj demokracisë? janë temat për të cilat do të diskutohet në këtë panel diskutim”, thuhet në kumtesë.
MEDIAL.mk