Dhoma e Poshtme e Parlamentit polak sot e miratoi propozim-ligjin me të cilin lejohet që zgjedhjet presidenciale, të cilat do të mbahen të dielën, të mbahen përmes postës.
Dhoma e Poshtme e miratoi ligjin me 236 vota “për” dhe 213 “kundër”, me 11 të “përmbajtura”. Që masa të mund të hyjë në fuqi, megjithatë, duhet ta nënshkruajë edhe presidenti i shtetit.
Kritikët frikohen se votimi i përgatitur shpejtë, që mundësohet me këtë ligj të miratuar, mund të rezultojë në zgjedhje të cilat nuk do të jenë korrekte dhe demokratike, shkruajnë mediat britanike. fc/