Partitë bien dakord për shtyrjen e zgjedhjeve - Tv Koha
Lajmi i Ditës Maqedoni

Partitë bien dakord për shtyrjen e zgjedhjeve

LSDM-ja, BDI-ja dhe VMRO-DPMNE-ja opozitare dje dolën para opinionit dhe bënë të ditur se janë të gatshme për shtyrjen e zgjedhjeve të parakohshme parlamentare të caktuara për më 12 prill të këtij viti. Mundësia për shtyrjen e zgjedhjeve parlamentare është pika e vetme në rendin e ditës së takimit të liderëve që për sot e konvokoi shefi i shtetit Stevo Pendarovski.

Presidenti Pendarovski në vilën “Vodno” sot do të jetë nikoqir i liderëve të partive politike LSDM-së, VMRO-DPMNE-së, BDI-së, PDSH-së, Besës, Alternativës dhe Aleancës për Shqiptarët.

Ai nuk sheh problem për shtyrjen e zgjedhjeve.

“Nuk shoh problem që të anulohen zgjedhjet, në të vërtetë mendoj se opinioni tashmë është i informuar se nesër në ora 12 do të ketë takim liderësh me një pikë të vetme në rend dite në kontekst të asaj që po na ndodh edhe neve edhe të gjithëve në rajon dhe në botë praktikisht, të anulohen zgjedhjet. Sot me shkrim zyrtar, misioni monitorues i OSBE, ODIHR-së e anuloi atë mision të sajin dhe për dy deri tre ditë edhe fizikisht tërhiqet nga shteti”, theksoi sonte presidenti Stevo Pendarovski pas seancës së Këshillit të Sigurisë të Republikës së Maqedonisë së Veriut.

Lideri i LSDM-së Zoran Zaev deklaroi se janë për respektim të rreptë të masave dhe rekomandimeve për mbrojtje nga përhapja e koronavirusit, ndërsa në atë drejtim edhe shtyrje të zgjedhjeve të ardhshme parlamentare të caktuara për më 12 prill.

“Ne si parti më e madhe në pushtet e rekomandojmë atë, por kur sillni vendime të këtilla duhet të matni se çka nëse, dhashtë Zoti, para kohe., më herët përfundon gjendja e krizës, se çfarë do të ishin pasojat nga shtyrja e zgjedhjeve ndaj ekonomisë. Duhet t’i matni të gjitha punët”, tha Zaev.

Konsideron se është mirë që edhe opozita dakordohet që zgjedhjet të shtyhen.

“Kjo është mirë, ja, na afron drejt qëndrimeve dhe besoj se bashkarisht do të ndërtojmë qëndrim së pari për shtyrje të zgjedhjeve, e pas kësaj edhe së bashku ta definojmë ditën e shtyrjes së zgjedhjeve”, tha Zaevi. Theksoi se ekzistojnë disa argumente për atë se kur duhet të mbahen zgjedhjet, por se më me rëndësi dhe më vendimtar është shëndeti publik në shtet. Ministria e Shëndetësisë, tha, informon rregullisht, i ndan informatat e veta, i ndjekin trendet nga Kina, deri në Evropën Perëndimore, Itali… E tërë kjo, thotë, duhet të kihet parasysh kur do të caktojmë datë të saktë.

Kryetari i VMRO-DPMNE-së Hristija Mickoski konsideron se mbajtja e zgjedhjeve do të thotë edhe ekspozim të mijëra qytetarëve nën rrezik të drejtpërdrejtë për shëndetin e tyre dhe përhapjen e koronavirusit dhe se do të ishin hapje të vatrave të reja me koronavirus.

“Unë pa kurrfarë mëdyshje e zgjedh interesin e shtetit dhe qytetarëve. Nevojitet sjelle e përgjegjshme. Lufta për pushtet me çmimin e jetës është i papranueshme”, tha dje në konferencë për shtyp Mickoski.

Lideri i BDI-së, Ali Ahmeti sot përmes një kumtese ka paralajmëruar se prioritet partiak është shëndeti publik dhe përballja me koronavirusin dhe se do të pranonin shtyrjen e zgjedhjeve dhe fushatës.

“Prioritet absolut i gjithsecilit prej nesh, ne veçanti neve që jemi në shërbim publik, është qytetari dhe shëndeti publik. Zgjedhjet dhe fushata janë çështja e fundit në radhën dhe agjendën e prioriteteve tona, për arsye se të gjitha kapacitetet tona njerëzore, intelektuale, institucionale i kemi vënë në shërbim të ngadhënjimit në betejën e përbashkët kundër virusit”, ka thënë Ahmeti.

Sipas tij, tani, ka shtuar ai “na duhet fitore ndaj virusit, e jo fitore në zgjedhje”.

Shëndeti i qytetarëve është më i rëndësishëm se çdo kalkulim politik, kumtoi Lëvizja Besa duke theksuar se prandaj ata si subjekt politik i bashkëngjiten thirrjes për anulim të zgjedhjeve parlamentare për një datë dhe periudhë më të përshtatshme.

Në komunikatën e Lëvizjes Besa theksohet se zgjedhjet parlamentare duhet të mbahen atëherë kur rreziku nga virusi Kovid-19 do jetë i eliminuar plotësisht.

Alternativa konsideron se zgjedhjet e parakohshme për më 12 prill të vitit 2020 duhet të shtyhen për një termin tjetër. Paralajmërojnë se edhe në takimin e liderëve do të mbesin në qëndrimin e zgjedhjet duhet të shtyhen dhe të mbahen në kushte normale.

Partia Liberale-Demokratike, megjithatë, u bën thirrje partive politike në takimin e liderëve t’i shtyjnë zgjedhjet parlamentare dhe të caktojnë termin të ri. PLD u bën thirrje partive të udhëhiqen para së gjithash për interesin e shëndetit të qytetarëve të Maqedonisë së Veriut. ar/

Related posts

NATO: Britania e Madhe ta rishqyrtojë rolin e Huaveit në rrjetin 5G

Televizioni Koha

Në pjesën veriperëndimore të Greqisë regjistrohen 9.920 rrufe

Televizioni Koha

Fjalim i jashtëzakonshëm i kryeministrit Oliver Spasovski prej nesër mbrëma orë policore

Televizioni Koha

Leave a Comment