Qyteti i Shkupit, intensivisht po punon në zgjerimin e hyrjes për automjetet e Ndihmës së Shpejtë në Qendrën Klinike “Nëna Terezë”,shkruan në profilin e tij në Fejsbuk, kryetari Petre Shilegov. Sipas përshkrimit të punimeve të cilat po realizohen, Shilegovi shkruan se sot po largohen mbetjet nga rrënjët në trotuare dhe po lirohet hapësira.
Njëherit ai në këtë shkrim sqaron se Qyteti i Shkupit e ndihmon Ministrinë e Shëndetësisë përmes zgjerimit të hyrjes në Qendrën Klinike për automjetet e Ndihmës së Shpejtë dhe ndërtimin e hyrjes së veçantë drejtë Klinikës Infektive, në drejtim të përmirësimit të qasjes deri te qendra klinike “Nëna Terezë”. fc/
