Reisi takon Ambasadorin e Turqisë në Shkup – Tv Koha
Lajmi i Ditës Maqedoni

Reisi takon Ambasadorin e Turqisë në Shkup

– Kryetari i Bashkësisë Fetare Islame të Republikës së Maqedonisë së Veriut, Reis’ul-Ulema h. Sulejman ef. Rexhepi, ka pritur më 5 mars, 2020, Ambasadorin e Republikës së Turqisë në Shkup, z. Hasan Mehmet Sekizkök.

Me këtë rast, të dy bashkëbiseduesit janë ndalur në temat që kanë të bëjnë me bashkëpunimin e BFI-së dhe Republikën e Turqisë. Ata, po ashtu, e kanë çmuar lart ruajtjen e paqes dhe të zgjidhjes së mosmarrëveshjeve kudo në botë pa dhunë, pa luftë – gjithnjë në frymën paqësore të Islamit.

Në vazhdim të këtij takimi – bëhet e ditur nga Kabineti i Reis’ul-Ulemasë – priten edhe takime të tjera, gjithnjë në të mirë të thellimit të marrëdhënieve të shkëlqyera të BFI-së me Ambasadën Turke dhe me Republikën e Turqisë.

Nga Kabineti i Kryetarit të BFI-së po ashtu është bërë e ditur se Reis’ul-Ulema h. Sulejman ef. Rexhepi u ka drejtuar Qarkore të 13 Myftinive (nr. 03-109), që më 6 mars 2020, ditën e premte, në namazin xhumasë, në të gjitha xhamitë në territorin e RMV në mënyrë kolektive të bëhet dua për dëshmorët e rënë në Betejën e Idlibit, Siri.

Reis’ul-Ulema h. Sulejman ef. Rexhepi në ndarje i ka dorëzuar Logon e Artë të BFI-së Ambasadorit turk Hasan Mehmet Sekizkök.zhurnal.mk

Related posts

Kufijtë e BE-së sërish hapen, Gjermania e para, shtetet tjera ende janë të kujdesshme

Televizioni Koha

Konsultim publik për përgatitje të Konceptit për arsim gjithëpërfshirës

Televizioni Koha

Mbyllet lokali në Shkup, 47 persona shoqërohen në polici

Televizioni Koha

Leave a Comment